Gala González
| Biografía | |
|---|---|
| Nacemento | 16 de marzo de 1986  (38 anos)A Coruña, España |
| Actividade | |
| Ocupación | deseñador de moda, socialité, modelo |
| Período de actividade | 2007 - |
| Páxina web | amlul.com |
   | |
Gala González, nada na Coruña o 16 de marzo de 1986, é unha deseñadora de moda, modelo e blogueira galega.
Traxectoria
[editar | editar a fonte]Naceu nunha familia relacionada co mundo da moda en Galicia. O seu tío é o deseñador Adolfo Domínguez, e o seu pai tamén traballou na empresa do tío en postos directivos.
En 2003 marchou a Londres a estudar moda na Universidade de Artes de Londres, no college Central Saint Martins.[1] Comezou a traballar para Adolfo Domínguez como directora creativa da súa liña xuvenil (Liña U) ao rematar os estudos, en 2007, pero a sona da súa traxectoria profesional veu da man da comunicación. En 2005 abriu un fotolog de moda e en 2007 comezou co seu propio blog. En 2014 tiña 340.000 seareiros na súa conta de Instagram[2].
En 2009 presentaba a súa primeira colección de moda de seu, Music Collection[3], para Adolfo Domínguez. En xuño de 2010 foi modelo para a colección de Loewe[4], e despois diso viñeron outras firmas como H&M, Mango, Corello, Guerreiro ou AG, así como a marca de produtos de depilación Veet.
González apareceu en diversas publicacións, como Vogue, Elle ou Marie Claire.
Notas
[editar | editar a fonte]- ↑ Guiomar Roglán (3 de agosto de 2016). "La vida de una bloguera: 4.000 euros por una foto en Instagram". El Mundo (en castelán). Consultado o 5 de marzo de 2018.
- ↑ VÍDEO: Dos horas con Gala González (y sin WiFi), El País, 8 de xaneiro de 2005
- ↑ U de Gala, El Mundo.
- ↑ Vídeo de campaña en YouTube.
Véxase tamén
[editar | editar a fonte]Ligazóns externas
[editar | editar a fonte]- Am-Lul, a páxina web oficial da blogueira. (en inglés) (en castelán)
- Gala González, la única española entre las blogueras más influyentes Arquivado 16 de xaneiro de 2018 en Wayback Machine.. S Moda, (15 de marzo de 2016). (en castelán)
